26 Сәуір 15:59

Қазақстандағы өмір сапасы бойынша өңірлер рейтингі жасалды

Фото:

CSI Стратегиялық бастамалар орталығының нұсқасы бойынша 2020 жылдың төртінші тоқсанындағы өмір сапасы мен мемлекеттік реттеу бойынша Қазақстан өңірлерінің рейтингі ұсынылды.

Алматы, NEGE. CSI серіктесі, экономист Олжас Құдайбергенов Facebook-парақшасында рейтинг бес бөлімді қамтығанын айтты. Олар:

білім,

денсаулық сақтау,

әлеуметтік-экономикалық белсенділікті ынталандыру,

өмір сапасы,

мемлекеттік басқару сапасы.

Деректерді жинау үшін Ұлттық статистика бюросы, әкімдіктер, Қаржы министрлігі және «Ашық диалог» портал көрсеткіштері қолданылған.

«Рейтингке сәйкес өңірлердің ешқайсы 100 балл жинай алмады. Ең жоғары бағаны (76 баллға жуық) Атырау облысы көрсетті. Топ-7 қатарына Ақтөбе облысы (2 орын), Алматы (3), Нұр-Сұлтан (4), Қарағанды облысы (5), Павлодар облысы (6), Шығыс Қазақстан облысы (7 орын) кірді.

Қалған өңірлер дерегі одан әрі ішкі талдау жүргізу үшін өңірлер басшысына беріледі. Бұл рейтингті қолдану мақсатында жасалады», – деді Құдайбергенов.

Тегтер: