Балалар үйіндегі балалардың жағдайы қалай?
Алматы қаласы әкімінің орынбасары Ержан Бабақұмаров пен Аружан Саин жетім балалар үйіне барып, жағдайымен танысты.
Алматы, NEGE. Ержан Бабақұмаров және Аружан Саин жетім балаларға мамандандырылған кешен тәрбиеленушілерінің өмір сүру және оқу жағдайларымен танысты.
Алматы қаласы әкімінің орынбасары Ержан Бабақұмаров ҚР-ғы бала құқықтары жөніндегі уәкіл, қоғам қайраткері А. Саин және қалалық Білім басқармасының басшысы Л. Жылқыбаевамен бірге жетім балаларға мамандандырылған «Жанұя» кешеніне барды.
Жетім балаларға арналған «Жанұя» мамандандырылған кешенінде жетім балалар, ата-анасының қамқорлығынсыз қалған, оқыту мен тәрбиелеу режимі бар балалар және мүмкіндігі шектеулі балалар оқиды.
Кешенді аралау барысында балалардың тұру жағдайын жақсарту, сапалы оқытуды қамтамасыз ету үшін оқу материалдарымен жабдықтау мәселелері талқыланды. Мекеме тәрбиеленушілерінің дұрыс тамақтануы мәселелеріне жеке назар аударылды.
Мекеме аумағында балалар мен қызметкерлердің жұқтыруын болдырмау мақсатында санитарлық-эпидемиялық талаптардың сақталуы және барлық қажетті қорғаныс құралдарымен қамтамасыз етілуі тексерілді.
Жиын қорытындысы бойынша әкімнің орынбасары Ержан Бабақұмаров Білім басқармасы мен мамандандырылған мекеме басшылығына «Жанұя» кешенінде оқитын жетім және мүмкіндігі шектеулі балалардың құқығын қамтамасыз ету бойынша нақты тапсырмалар берді.
