Алматыда бірнеше мектеп пайдалануға беріледі
Алматы қаласында 21 мыңға жуық оқушы орны пайда болады.
Алматы, NEGE. Алматы әкімі Бақытжан Сағынтаевтың есептік кездесуінде мегаполистің әлеуметтік инфрақұрылымын дамыту туралы деректер айтылды.
Білім беру нысандарын үдемелі салу бағдарламасын кезең-кезеңімен жүзеге асыру жалғасуда. 2020 жылы Әуезов және Түрксіб аудандарында 1800 орындық екі мемлекеттік мектептің, жұмыс істеп тұрған мектептерге 1817 орындық бес қосымша құрылыстың құрылысы аяқталды, мектептерге 8263 орындық тағы он жеті жапсарлас ғимараттың құрылысы жалғасуда.
1390 орынға арналған 2 жекеменшік мектеп пайдалануға берілді. 2020 жылдың басынан бастап 520 орындық 3 мемлекеттік балабақша салынып, пайдалануға берілді, оның ішінде жеке инвесторды тарта отырып, 150 орындық балабақша салынды. «Жұмыспен қамтудың жол картасы» бағдарламасын жүзеге асыру аясында 640 орындық тағы 4 балабақшаның құрылысы басталды.
Балаларды мектептен тыс біліммен жаппай қамту үшін жағдай жасау бойынша жол картасы қабылданды. Қалалық кітапханалар базасында 156 тегін үйірме ашылды. Балаларға арналған шығармашылық үйірмелер саны 5400-ге дейін артты. Балалар мен жасөспірімдерді дамыту үшін 5 ауданда «Шыңға өрлеу» әлеуметтік клубтары құрылды. Спорт ғимараттарының саны бір жылда 745 нысанға артып, 3,4 мың нысанға жетті, 252 тегін секция ашылды.
Әлеуметтік инфрақұрылымды дамыту 2021 жылы жалғасады. 8 мектеп, 17 жаңа корпус-жапсарлас құрылыс салу есебінен қосымша 20 700 оқушы орны пайда болады. Сонымен қатар, 640 мектепке дейінгі орын ашылады. Ата-аналар төлемін субсидиялау үшін қалалық бюджеттен 1 млрд теңге бөлу жоспарлануда, бұл балабақшаларда қосымша 5 мың орын құруға мүмкіндік береді.
Қадамдық қолжетімді жерден медициналық қызметтермен қамтамасыз ету үшін Жетісу және Түрксіб аудандарында 2 отбасылық-дәрігерлік амбулатория салынатын болады. №7 Қалалық клиникалық аурухананың жаңа корпусы-қосымша құрылысы, сондай-ақ балаларға шұғыл көмек көрсету орталығының операциялық блогы бар жаңа корпус пайдалануға беріледі.
«Бір терезе» қағидаты бойынша мемлекеттік және жеті мемлекеттік емес қызметтің 42 түрін ұсынатын Әлеуметтік қызметтер үйі ашылады. 14 кортқа арналған теннис орталығы пайдалануға беріледі және 6 дене шынықтыру-сауықтыру кешені салынады.
