Саран зауытында жасалған жаңа автобустар пайдалануға берілді

01 мая, 20:58

Фото: inform.kz

Саран қаласындағы QazTehna зауытында құрастырылған Yutong маркалы жиырма төрт жаңа автобус Қарағандыдағы маршруттарға шығады. Олар барлық заманауи талаптарға және Евро-5 экологиялық класына сәйкес келеді, деп хабарлайды ҚазАқпарат.

Қарағанды, NEGE. Арбаға таңылған мүгедектерге арналған пандустармен және алаңшалармен, балалы аналарға арналған орындармен жабдықталған әр автобуста оған қоса кондиционер де орнатылған. Сыйымдылығы – 51 адам. «Таксокомбинат-1» ЖШС көлік құралдарын «Өнеркәсіпті дамыту қоры» АҚ-нан жеңілдікті лизинг бағдарламасының арқасында сатып ала алды. Бір автобустың құны 37 млн теңге. Осылайша тасымалдаушы компания паркі 25%-ға жаңартылды. Автобустардың орташа тозу жасы 8-ден 5 жасқа дейін төмендеді. «Бірінші кезекте автобустар №1 және 30 маршруттар бойынша жүреді. Сондай-ақ, біз №7, 013, 28, 31 желілерге қызмет көрсетеміз. Автобустар электронды билеттеу жүйесіне дайын, – деді «Таксокомбинат-1» ЖШС директоры Алексей Пен.

Бүгінгі таңда кәсіпорын алты қалалық және бір қала маңындағы маршрутқа қызмет көрсетеді. Оның арсеналында барлығы 95 автобус бар. Қоғамдық көліктің тұсаукесеріне Қарағанды облысының әкімі Жеңіс Қасымбек қатысты. Ол автобустардың сапасын және жолаушыларға ыңғайлы болу деңгейін бағалады. Өңір басшысының айтуынша, 2-3 жыл ішінде Қарағанды, Теміртау, Саран және Жезқазғандағы қоғамдық көліктер барынша жаңартылады. «Биыл Саран қаласы бойынша 15 жаңа автобус қатынайтын болады. Қазір Жезқазғанға 30 жаңа автобус жеткізіледі деп күтілуде. Олар Саранда жасалады. Сонымен қатар ауданаралық және облысішілік рейстерге шығамыз», – деп уәде берді аймақ басшысы. Маусым айында қарағандылық «Рейс» ЖМ тасымалдаушысы үшін 16 жаңа автобус жеткізіледі деп күтілуде.

ҰҚСАС ЖАЗБАЛАР
Яндекс рекомендации