Жұрқамырза Шүкірбеков - XVII жазғы Паралимпиаданың қола иегері атанды
Спортшы пара дзюдодан J2 санатында 90 келі салмақты сынға түсіп, Франция өкілі Насер Зорганиді жеңді.
Алматы, NEGE. Туризм және спорт министрі Ербол Мырзабосынов:
«Пара дзюдодан ұлттық құрама өкілі Жұрқамырзаны Париждегі Паралимпия ойындарында қола медаль жеңіп алуымен шын жүректен құттықтаймын. Жерлесіміздің жүлдесі тек спорттық жетістік емес, бұл - ерік-жігердің, мақсатқа жетудегі табандылықтың және үлкен рухтың символы.
Біз пара дзюдошымыздың жеңісін мақтан тұтамыз және еліміздің даңқын әлемдік аренада асқақтатқанына қуаныштымыз. Отандасымызға алдағы сайыстарда тек жоғары жетістіктер мен табыс тілеймін. Оның батылдығы мен табандылығы көпке үлгі», – деп жылы лебізін білдірді.