Жұмысқа шығатындардан сынама алмайды
20 сәуірден бастап жұмысқа шығатындардың барлығынан бірдей COVID-19 дертіне қатысты тест алмаймыз, деп мәлімдеді Алматының тауарлар мен қызметтер сапасы мен қауіпсіздігін бақылау департаменті басшысының орынбасары Наталья Дягилева.
Алматы, NEGE. «Біз эпидемиологиялық маңызды нысандардағы контингентті коронавирусқа қатысты тестілеуді бастадық, соның ішінде қызмет көрсету саласында жүргендерді – бұл ірі сауда кәсіпорындары. Ал біз енді іске қосып жатқан нысандарға келсек, бұл мәселе әлі қаралған жоқ», - деді Дягилева жұмадағы брифингте.
Бұл ретте ол атап өткендей, денсаулығына қандай да бір шағымы болса немесе аурудың белгілері байқалса, коронавирусқа тестілеуден өтуге болады.
