Мәдени
Жұлдыз Әбдікәрімова кино алаңына қайта оралды
Бүгінгі таңда Түркістан музыкалық драма театрының актрисасы саналатын Қайраттың жары енді комедиялық фильмге түспек.
Алматы, NEGE. Жұлдыз осыдан біраз жыл бұрын Қайрат Нұртастың қатысуымен режиссер Рашид Сүлейменов таспалаған «Арман. Когда ангелы спят» драмасына түскен болатын. Енді комедия жанрында өзін сынап көрмекке бел буған. Бұл жаңалығын өнер иесінің өзі бірінші болып инстаграм парақшасында бөлісті. Осы ретте Жұлдыз көрермендеріне: «Қалай ойлайсыз, бұл жолғы образым, рөлім қандай?» – деп сауал да тастады.
Сонымен қатар Әбдікәрімова: «Біз үшін бұл жай ғана фильм емес, бұл қазақ киносының болашағына қосқан үлес» деп көпшілікті қызықтырып та қойды. Актрисаның парақшасына жүктеген бейнежазбасынан тасапаланып жатқан туындының «Робот әйел» деп аталатынын аңғаруға болады.