Жүкті әйелін пышақтаған ер адамның шабуылына әрекетсіздік танытқан полицейлер тексеріледі
![Маңғыстау облысы](/static/img/plug.jpg)
Маңғыстау облысында 14 шілдеге қараған түні ер адам жүкті әйелін бірнеше жерден пышақтап кеткен болатын. Жарақат алған әйел адам қазір ауруханада жатыр.
Алматы, NEGE. Жұбайына пышақ жарақатын салған ер адам ұсталып, уақытша ұстау изоляторына қамалды. Әлеуметтік желіде тараған видеоларда полиция қызметкерлерінің жүкті әйелін пышақтаған ер адамның шабуылы кезінде әрекетсіздік танытқаны таспаланған.
Қазіргі таңда полиция қызметкерлеріне қатысты тергеу жүргізіліп жатыр.
– Полиция қызметкерлерінің іс-әрекеттеріне қатысты тексеріс жүргізілуде. Тексеріс нәтижесіне қарай құқықтық баға берілетін болады. Тергеу мүддесі үшін өзге ақпарат жария етілмейді, – делінген хабарламада.
Әйеліне шабуыл жасаған ер адамға қатысты кісі өлтіруге оқталу дерегімен қылмыстық іс қозғалды.