Жомарт кенішіндегі апат: Оқиға орнында жедел штабтар жұмыс істеп жатыр
Ұлытау және Қарағанды облыстары ТЖД күштері мен құралдары оқиға орнында, деп хабарлады ТЖМ.
Алматы, NEGE. Кенiштегi ТЖ салдарын жоюға көмек көрсету үшін қосымша «АСС Сериктес» ЖШС құтқарушылар тобы жіберілді.
ТЖМ командалық орталығының, Ұлытау облысы ТЖД базасында және оқиға орнында жедел штабтар жұмыс істейді.
Ақпарат алу үшін «жедел желі» жұмысы ұйымдастырылды: 8 (7172) 55-96-21.
ТЖМ Командалық орталығында бейнеконференциялық байланыс арқылы авариялық-құтқару жұмыстары бойынша жедел штабтардың әрекеті үйлестіріліп жатыр.
Төтенше жағдайлардың алдын алу комитетінің төрағасы Серік Жүнісбеков, Ұлытау облысы ТЖД бастығы Есен Байыров, өнеркәсіптік қауіпсіздік комитеті төрағасының орынбасары Кеңгірбай Есенеев оқиға орнында.
Естеріңізге сала кетейік, Ұлытау облысындағы шахтада апат болып, 7 адам үйінді астында қалды. ТЖД үйінді астында қалған жұмыскерлердің тізімін жариялады.
Сонымен қатар Ұлытау облысында шахтаның опырылуына байланысты үкіметтік комиссия құрылды.
