Жолда ішімдік ішкен 9 адам поездан түсірілді
«Көлік полицейлері «Алматы-Қостанай» бағытындағы жолаушылар пойызында бұзақылық жасаған бір топ адамды ұстады», – деп хабарлайды көліктегі полиция департаментінің баспасөз қызметі.
Алматы, NEGE. 18 ақпанда Нұр-Сұлтан стансасындағы желілік полиция басқармасына «Алматы-Қостанай» бағытындағы жолаушылар пойызының 26 жастағы жолсерігі шағым түсірген. Оның айтуынша, аталмыш пойыздың 9 жолаушысы алкогольді ішімдік ішіп, айғайлап сөйлесіп, жолаушылардың мазасын алған,қоғамдық тәртіпті бұзған.
Құқық бұзушылар жолсеріктің ескертуіне бағынбай, оған балағат сөздер айтқан. Тіпті, пойыз бастығы мен көлік полицейлерінің де жағасына жармасып, билік өкілдеріне күш көрсетпек болған. Пойыз елордаға келгеннен кейін құқық бұзушылар пойыздан түсіріліп, Нұр-Сұлтан стансасындағы желілік полицияның кезекші бөліміне жеткізілді. Сот-медициналық сараптамаға сәйкес, ұсталған азаматтардың алкогольді ішімдік ішкені анықталды.
Аталмыш факті ҚР ҚК 293-бабының 2-бөлігінде көзделген қылмыстық құқық бұзушылық белгілері бойынша сотқа дейінгі тергеп-тексерудің бірыңғай тізілімінде тіркелді.
Қазір оқып жатыр
Әр облыс жастар ипотекасы үшін бюджетінен 1 млрд теңге бөлу керек – «Әділет» кандидаты нақты ұсыныс айтты
Тоқаев: «Болашақ ойындары» елдер арасындағы алтын көпірге айналады
Қостанайдағы әлеуметтік қызмет көрсету орталығында 14 жастағы мүгедек бала көз жұмды
Сауда министрлігі: Wildberries-тен Қазақстанда қойма салуға ресми өтініш түскен жоқ
