Жолаушы ұшақта көз жұмды
Алматы-Қостанай бағытында ұшқан рейсте 70 жастағы ер адам көз жұмды, деді Көліктегі полиция департаментінің баспасөз қызметі.
Алматы, NEGE. «9 қыркүйекте кешкі сағат 17:34-те Қостанай стансасының желілік полиция бөлімшесіне «Алматы-Қостанай» әуе рейсінің 70 жастағы жолаушысы қайтыс болғаны туралы хабарлама түсті.
Алдын ала болжам бойынша жолаушы созылмалы ауруларынан көз жұмған. Осы дерек бойынша тергеу жұмыстары басталды.
ҚР ҚПК 201-бабына сәйкес басқа мағлұматтар тергеу мақсатында жария етілмейді», – деді ҚР ІІМ Көліктегі полиция департаментінен.
