Жол ортасында билеген «биші жүргізушілер» айыппұл арқалады
Полиция жүргізушілерден жол ережелерін қатаң сақтауды сұрайды.
Алматы, NEGE. Ақтауда жол ортасында лезгинка билеп өзге көліктердің өртуіне кедергі келтірген Bentley, Mercedes Benz және Porshe автокөлік жүргізушілеріне айыппұл салынды, деп хабарлайды lada.kz порталы.
5 және 6-шағын аудандар арасындағы жол бойында би билеген Bentley, Mercedes Benz және Porsche автокөліктерінің жүргізушілерінің видеосы әлеуметтік желілерде тарады. Ақтау полицейлері жол ережесін бұзғандарды анықтап айыппұл салды.
"Меншік иелеріне заң бұзушылықтар туралы хаттамалар жасалды. Барлық үш элиталық көлік айыппұл тұрағына жіберілді. Полиция жүргізушілерден жол ережелерін қатаң сақтауды сұрайды", – делінген хабарламада.
