Жогорку Кенеш Асқар Ақаевқа экс-президент мәртебесін қайтарудан бас тартты
Қырғызстанның Жогорку Кенешінің (парламенті) 25 қыркүйекте өткен отырысында депутаттар Асқар Ақаевтың экс-президент мәртебесін қайтару туралы өтінішінен бас тартты. Бұл туралы парламенттің баспасөз қызметі хабарлады.
Алматы, NEGE. Дауыс беру кезінде 85 депутаттың 71-і қарсы дауыс берді, екі депутат қолдады, бірақ кейін олар қателескендерін айтып, парламент шешімін қолдады.
Естеріңізге сала кетейік, Қырғызстанның бұрынғы мемлекет басшысы Асқар Ақаев ел парламентіне экс-президент мәртебесін қайтаруды сұрап хат жолдаған болатын.
Тиісті хат 5 қыркүйекте Қырғыз Республикасы Жогорку Кенешінің Конституциялық заңнама, мемлекеттік құрылым, сот-құқықтық мәселелер және Регламент комитетіне келіп түскен.
Асқар Ақаев 1990 жылдың 27 қазаны мен 2005 жылдың 11 сәуірі аралығында Қырғызстан президенті болды. Қызғалдақ төңкерісінен кейін (2005 жылы) Жогорку Кенеш Ақаевты «тұңғыш президент» мәртебесінен айырды. 2010 жылғы сәуір төңкерісінен кейін уақытша үкіметтің жарлығымен ол «экс-президент» мәртебесінен де айырылған болатын.
2005 жылғы төңкерістен кейін ол Ресей Федерациясына кетті, қазір сол жерде тұрады және ғылыми қызметпен айналысады.
Қазір оқып жатыр
Каспийдегі оқу-жаттығудан кейін аман қалып, ауруханаға түскен сарбаздың жағдайы белгілі болды
Қаза болған әскери қызметшілердің отбасыларына көмек жинайтын бірыңғай қор белгіленді
Каспий теңізінде суға кеткен екі сарбаздың денесі табылды: қаза болғандар саны 14-ке жетті
Алматыда бұрын сотталғандар өзін полиция қызметкері ретінде таныстырып, 3 млн теңге бопсалаған
