Жоғары сынып оқушылары ІІІ тоқсанда мектепке бара ма?
Орталық коммуникациялар қызметінде журналистердің сауалына жауап берген Білім және ғылым министрі Асхат Аймағамбетов жоғары сынып оқушыларының ІІІ тоқсанда қалай оқитынын айтты.
Нұр-Сұлтан, NEGE. Министрдің айтуынша, жоғары сынып оқушылары ұлттық бірыңғай тестілеу мен қорытынды аттестациялауға енетін пәндерді дәстүрлі форматта оқиды. "Бұл – қорытынды аттестациялауға және мемлекеттік емтихандарға қатысы бар балалар үшін өте маңызды шешім. Біз бұл арада 9 және 11 сынып түлектері туралы айтып отырмыз. Бұл олар үшін өте маңызды. Бұл арада бізд барлық білім беру бағдарламасының 70% -ын балалар дәстүрлі форматта, ал 30% -ын қашықтықтан оқу арқылы алатынын айтып отырмыз", – деп түсіндірді министр.
Оның айтуынша, олар ұлттық бірыңғай тестілеу мен қорытынды аттестациялауға енетін пәндерді дәстүрлі форматта оқиды. Санитарлық талаптар сақталады. Бір кабинет, қоңырау әр сыныпқа әртүрлі уақытта соғылады, әлеуметтік қашықтықты сақтау талап етіледі. Санитарлық талаптар бойынша ешқандай өзгеріс жоқ, – дейді Білім және ғылым министрі.