Жітіқарада өлген иттерге байланысты сотқа дейінгі тергеу басталды
Жітіқарада иттердің жаппай атылғаны туралы дерек тараған болатын.
Алматы, NEGE. Жітіқара қаласының полициясы өлген иттерді табу фактісі бойынша ҚР ҚК-нің 316-бабымен "Жануарларға қатыгездікпен қарау" сотқа дейінгі тергеу басталғанын хабарлады.
Тергеу шеңберінде барлық қажетті тергеу әрекеттері жүргізіліп жатыр.
Қазақстанда жануарларды қорғау туралы заң 2022 жылдың наурыз айында енгізілген. Ережеге сәйкес, жануарларды, оның ішінде үйсіздерді өлтіруге тыйым салынады. Қылмыстық кодексте жануарларға қатыгездік жасағаны үшін ең жоғары жаза ретінде 30 тәулікке дейін қамауға алу көзделген.