ЖІӨ 3,1%-ға дейін артуы мүмкін
Пандемияға қарамастан, еліміздің
ЖІӨ-сі артуы мүмкін. Бұл туралы Ұлттық экономика министрі Әсет Ерғалиев айтып берді, деп хабарлайды ҚазАқпарат.
Нұр-Сұлтан, NEGE. «Қазір біз Үкіметте бюджетті нақтылау аясында алдағы үш жылға арналған болжамдардың жаңа кезеңін қалыптастыруға кірістік. Атап айтқанда, 2021 жылға арналған болжамымызды нақтылаймыз. Бәлкім, кішігірім арттыратын шығармыз. Бұл сыртқы-экономикалық жағдайдың өзгеруіне байланысты. Соңғы уақытта мұнай бағасының қалай өзгергенін және экономикамыздың белгілі бір секторларда қарқын алып келе жатқанын көріп отырмыз», - деді спикер Орталық коммуникациялар қызметінде өткен баспасөз мәслихатында. Әсет Ирғалиевтің айтуынша, биыл ЖІӨ өсімінің болжамы 3,1%-ға дейін артуы мүмкін. Өткен жылы ЖІӨ өсімі 2021 жылы 2,8% деңгейінде болады деп болжанған еді.