Жылдың үздік футбол өкілдері анықталды
Дубайда Еуропалық клубтар қауымдастығы (ECA) мен Еуропалық футбол агенттер қауымдастығы (EFAA) ұйымдастырған Globe Soccer Awards марапаттау рәсімі өтті. 2019 жылдың үздік ойыншысы "Ювентус" шабуылшысы Криштиану Роналду атанды.
Алматы, NEGE. Футболшы 34 жастағы Лионель Мессиді ("Барселона"), Вирджил ван Дейк пен Мохамед Салахтан (екеуі де – "Ливерпуль") озып кеткен. Роналду Globe Soccer Awards жүлдесін осымен төртінші рет алып отыр. Ал жалпы футбол мансабында алтыншы рет жылдың үздік ойыншысы атануы.
2019 жылдың үздік клубы – "Ливерпуль". Клуб амстердамдық "Аякс" пен франциялық "Лионның"әйелдер командасынан озған.
Үздік бапкер марапатын Юрген Клопп ("Ливерпуль") иеленді. Оның басты қарсыластары – Эрик тен Хаг ("Аякс") пен Фернанду Сантуш (Португалия құрамасы) болды. Мерсисайдтықтар сапынан бразилиялық Алисон Бекер жылдың үздік қақпашысы атанды.
2019 жылы "Ливерпуль" Чемпиондар лигасының жеңімпазы атанып, УЕФА Суперкубогын иеленді, сондай-ақ клубтар арасындағы әлем чемпионатында топ жарды. Мадридтік "Атлетиконың" жартылай қорғаушысы Жоау Фелиш "Жыл жаңалығы" болды. Ол хавбек Анссумане Фати ("Барселона"), шабуылшы Эрлинг Холанд мен вингер Джейдон Санчодан (екеуі де – "Боруссия" Дортмунд) озған. Әйелдер арасында "2019 жылдың үздік футболшысы" номинациясында англиялық Люси Бронз жеңіске жетті. Бұл жүлдеге Меган Рапино мен Алекс Морган (екеуі де – США) мен француз Амандин Анри.
Қазір оқып жатыр
Kaspi Gold енді Google Pay-да – Қазақстанда және шетелде төлем жасауға болады
Құрылтай жалпыұлттық деңгейдегі ашық диалог алаңы ретінде қызмет етуі тиіс – Президент
ҚХП-ның жаңа төрағасы: Дариға Назарбаевамен ешқандай туыстығым жоқ
Тоқаев: Үкімет инфляцияны төмендетіп, экономиканы жаңа үлгіге көшіруі керек
