Жыл қорытындысы бойынша ШҚО-ның жалпы өңірлік өнімі 4,4 трлн теңге болады
Орталық коммуникациялар қызметінде өткен баспасөз конференциясында Шығыс Қазақстан облысының әкімі Ермек Көшербаев өңірдің әлеуметтік-экономикалық көрсеткіштерімен таныстырып өтті.
Алматы, NEGE. «Облыстың жалпы өңірлік өнімі жыл қорытындысы бойынша 3% өсіммен 4,4 трлн теңгеге жетеді. Өнеркәсіп өндірісінің қарқыны 9%-ға, ауыл шаруашылығы 5%-ға, негізгі капиталға салынған инвестиция 7%-ға, бөлшек тауар айналымы 8%-ға артады», – деді аймақ басшысы.
Жұмыссыздық деңгейі - 4,6%, 30 мыңнан астам жұмыс орны құрылды, оның 23 мыңы – тұрақты жұмыс орны. Жыл басынан бері мемлекеттік бюджетке 420 млрд теңге салық түсті.
Биыл облыс бюджеті 496,4 млрд теңге болды.
