1 Қыркүйек 04:37
...
Жетісуда тауда жоғалған 83 жастағы қария табылды
Жетісу облысында тауда жоғалған 83 жастағы қария аман-есен табылды, деп хабарлады Polisia.kz.
Алматы, NEGE. Зейнеткер 28 тамыз күні таңғы уақытта қария мал бағуға шыққан. Бірақ кешке қарай үйіне қайтып келмеген. Жақындары бірден полицияға хабар берді.
"Зейнеткерді іздеуге барлық күш жұмылдырылды. Панфилов аудандық полиция бөлімінің қызметкерлері, төтенше жағдайлар департаментінің құтқарушылары және бейжай қарамайтын еріктілер іздестіру жұмысына қосылды. Қиын таулы аумақтарды шолуға заманауи техника — ұшқышсыз ұшу аппараты да пайдаланылды", - дейді полицейлер.
Бір күннен кейін қария Сарыбел ауылынан шамамен 15 шақырым жерде таулы аумақтан табылды. Оған медициналық көмек қажет болмады.
