Жетісуда 26 мың гектар жер мемлекетке қайтарылды
Жетісу облысының Қаратал ауданында құны 111 миллион теңге болатын жер игерілмей жатқан. Бұл туралы Жетісу облысының прокуратурасы мәлімдеді.
Алматы, NEGE. Қаратал ауданындағы кәсіпкерлер заң талаптарын белден басып келген. Яғни, жерді мемлекеттен егін егемін, кәсіп жасаймын деп жалға алып, бірақ мақсатты пайдаланбаған. Заңбұзушылықты тексеріс барысында құзырлы орган өкілдері игерілмеген 38 жер учаскесін анықтаған.
— Қаратал ауданы прокуратурасының қадағалау актісі бойынша жалпы ауданы 26 мың гектар, кадастрлық құны 111 миллион теңге болатын жер мемлекетке қайтарылды. Мемлекет басшысының 2024 жылғы 2 қыркүйектегі Жолдауы шегінде жергілікті атқарушы органдарға адал субъектілерге пайдалануы үшін қайтарылған жерлерді беруге бағытталған. Бұл бағытта жұмыстар атқарылып жатыр, — деді Жетісу облыстық прокуратурасы.
