Жетісу облысында жол бойынан ай сайын 100 тонна қоқыс жиналады
«Таза Қазақстан» экологиялық акциясына Жетісу облысындағы жол саласының мекемелері де атсалысып жатыр, деп хабарлайды 24KZ.
Алматы, NEGE. Сенбілікке шыққан 100-ге жуық адам «Алматы-Өскемен» автомагистралінің бойын тұрмыстық қалдықтардан тазартты. Күрежолмен күніне 4,5 мыңнан аса көлік жүреді.
Жалпы тазалық акциясы басталғалы өңірдегі елді мекендерден 900 тонна қоқыс шығарылып, 20 мың жас көшет егілді.
Серік Мұсаұлы, жол пайдалану бөлімінің басшысы:
— Әр айда 100 тоннадан астам қоқыс шығарылады. Осыған байланысты жолды таза ұстасақ, жол бойына қоқыс тастамасақ, демалыс алаңшаларында арнайы жәшіктер бар. Сол жерлерге тастап, жол тазалығын сақтауды сұраймыз.