Жетісу облысында із-түзсіз жоғалып кеткен 3 жасар бала өлі күйінде табылды
7 қыркүйек күні үйінен шығып кеткен 3 жастағы Алдиярды іздеушілер арада 11 күн өткенде Мұқаншы өзенінен тапқан.
Алматы, NEGE. «18 қыркүйекте іздестіру шараларының барысында, Көксу ауылы Мұқаншы өзенінің түбінде, із-түзсіз жоғалып кеткен баланың мәйіті табылды. Алдын ала мәліметтер бойынша, зорлық-зомбылық белгілері анықталмады», - деп хабарлады Жетісу облысы полиция департаментінің баспасөз қызметі.
Полиция қызметкерлері ата-аналар мен қамқоршыларға мұндай қайғылы жағдай қайталанбас үшін балаларды қараусыз қалдырмауға шақырды.