Жетісу облысында арқанмен өзеннен өтпек болған ер адам суға құлап, іс-түссіз жоғалып кетті (видео)
10 мамыр күні Жетісу облысы Кербұлақ ауданында 36 жастағы ер адам Көксу өзенінен арқанмен өтпек болғанда суға құлап, ағыс алып кеткен.
Алматы, NEGE. Аталмыш оқиғаның видеосы әлеуметтік желіде тарады. Облыстық төтенше жағдайлар департаментінің мәліметінше, ер адам үш күннен бері іздестіріліп жатыр.
11 мамырда таңғы 06:30-дан бастап 98 адам мен 22 техника, оның ішінде қайықтар мен дрондар қатысқан ауқымды іздеу жұмыстары басталды.
Жұмыстар өзеннің қос жағалауында 35 шақырым аумақта жүргізіліп жатыр.
