Жетісу облысы фармацевтикалық бақылау департаментінің басшысы пара алды деген күдікке ілінді
Жетісу облысы бойынша Cыбайлас жемқорлыққа қарсы қызмет Қазақстан Республикасы Денсаулық сақтау министрлігі Медициналық және фармацевтикалық бақылау комитеті облыстық департаменті басшысының заңсыз қызметінің жолын кесті.
Алматы, NEGE. Шенеунік медициналық қызмет көрсету және тиісті лицензия беру жөніндегі қызметін жалпы қамқорлығы үшін кәсіпкерлерден жүйелі негізде пара алды деп күдікке ілінді. Сотқа дейінгі тергеу жалғасуда. Департамент басшысы мен пара берушілерге қатысты қорытынды шешімді сот қабылдайды.
Қылмыстық-процестік кодексінің 201-бабына сәйкес өзге ақпарат жария етуге жатпайды.