Жетісайда коронавирус жұқтырған науқас Нұр-Сұлтаннан келген
Түркістан облысында індет жұқтырған науқас Жетісай ауданының тұрғыны болып шықты. Бұл туралы облыс әкімінің орынбасары Сәкен Қалқаманов фейсбук әлеуметтік желісіндегі парақашасында жария етті.
Алматы, NEGE. Сәкен Қалқамановтың хабарлауынша, шалғай ауданның тұрғыны өңірге Павлодар-Қызылорда бағытындағы пойызбен келген. «Коронавирус жұқтырған азамат 27 наурыздан бері қызуы көтеріліп ауырған. Ауруханаға 30 наурыз күні қаралған. Науқас 21 наурыз күні Нұр-Сұлтан қаласынан Павлодар-Қызылорда бағытындағы пойызбен Қарағанды қаласына тоқтаған. Алты сағат вокзалда отырған ол ары қарай Петропавл-Қызылорда бағытындағы пойызға 22 наурыз күні сағат 6:00-де отырған. 23 наурыз күні Шымкент қаласынан түскен. Ары қарай жеке көлікпен Жетісай қаласына жолға шыққан.
Әзірге анықталғаны - науқаспен 16 адам қарым-қатынаста болған. 5 адам Нұр-Сұлтан қаласында байланыста болса, 11 адам - Жетісай қаласының тұрғындары» делінген парақшада. Айта кетейік, Түркістан облысында бүгін коронавирус жұқтырған науқас анықталғаны хабарланған болатын.
Қазір оқып жатыр
Санкциядан қалған яхталар. Ресейлік табы бар түрік капиталы Қазақстанға қалай қиындық тудыруы мүмкін?
Астаналық оқушы Harvard University-ге оқуға түсті
Ресейде жаппай төбелестен кейін ұсталған қазақстандықтар ісі СІМ бақылауына алынды
Қарағандыда 12 жасар қыз бен оның анасының өліміне күдікті ер адамның денесі табылды
