Жеті облыста дауылды ескерту жарияланды
Бүгін Нұр-Сұлтан мен Қазақстанның жеті облысында дауылды ескерту жарияланды, деп хабарлады «Қазгидромет» РМК баспасөз қызметінен.
Алматы, NEGE. «Нұр-Сұлтан қ.: 20 желтоқсанда бұрқасын, күндіз көктайғақ күтіледі. Оңтүстік-батыстан, оңтүстіктен жел соғады, күндіз екпіні 15-20 м/с күтіледі. 20 желтоқсанда Ақмола облысының күндіз кей жерлерінде қатты жауын-шашын (көбінесе қар) жауады. Кей жерлерде тұман, бұрқасын күтіледі. Күндіз кей жерлерде көктайғақ күтіледі. Оңтүстік-батыстан, оңтүстіктен жел соғады, кей жерлерде күші 15-20 м/с. Көкшетау қ.: 20 желтоқсанда жаяу бұрқасын күтіледі. Түнде және таңертең тұман болады. Оңтүстік-батыстан, оңтүстіктен жел соғады екпіні 15 м/с», – делінген бейсенбі күні таратылған хабарда.
Сонымен қатар, Ақтөбе облысының кей жерлерінде қатты қар жауады, жаяу бұрқасын, тұман, көктайғақ күтіледі. Батыстан жел соғады, кей жерлерінде 15-20 м/с күтіледі. Ақтөбе қ.: 20 желтоқсанда қар жауады, жаяу бұрқасын болады, көктайғақ күтіледі. Батыстан жел соғады, екпіні 16 м/с.
«Шығыс-Қазақстан облысында кей жерлерде қар, бұрқасын, көктайғақ күтіледі. Оңтүстік-шығыстан cоққан жел солтүстік-батысқа ауысады, күші кей жерлерде 15-20, екпіні 23-28 м/с жетеді. 20 желтоқсанда Өскемен қаласында желдің екпіні 15-20 м/с күтіледі. 20 желтоқсанда Батыс-Қазақстан облысының кей жерлерінде жауын-шашын (жаңбыр, қар), тұман, көктайғақ, бұрқасын күтіледі. Күндіз солтүстік-батыстан соғатың желдің күші 15-20 м/с күтіледі. Орал қ.: 20 желтоқсанда жауын-шашын (жаңбыр, қар), тұман, көктайғақ, күндіз солтүстік-батыстан соғатын желдің екпіні 18 м/с», – делінген хабарда.
20 желтоқсанда түнде Түркістан облысының тауларында қатты жауын-шашын (жаңбыр, қар) күтіледі. Кей жерлерде тұман, көктайғақ сақталады. Облыстың басым бөлігінде оңтүстік-батыстан соғатын желдің күші 15-20, кей жерлерде екпіні 23-28 м/с күтіледі.
«Шымкент қ.: 20 желтоқсанда оңтүстік-батыстан 15-20 м/с желдің күшеюі күтіледі. Түркістан қ.: 20 желтоқсанда оңтүстік-батыстан 15-20 м/с желдің күшеюі күтіледі. 20 желтоқсанда Қызылорда облысында жауын-шашын (көбіне жаңбыр) сақталады. Кей жерлерде тұман, көктайғақ сақталады. Жел оңтүстік-батыстан, батыстан соғады, түнде кей жерлерде, күндіз облыстың басым бөлігінде 15-20 м/с сақталады», – деді синоптиктер.
Сондай-ақ, Қостанай облысының кей жерлерінде жауын-шашын, күндіз кей жерлерінде қатты (көбінесе қар). Кей жерлерінде бұрқасын, тұман, көктайғақ күтіледі. Оңтүстік-батыстан, батыстан жел соғады, кей жерлерінде 15-20, екпіні 23 м/с күтіледі. Қостанай қ: түнде 20 желтоқсанда қар, бұрқасын, оңтүстік-батыстан, батыстан жел соғады, екпіні 18 м/с күтіледі. Дауылды ескертудің ықтималдығы 85-100%.