Жер шарының мұз қоймасы еріп барады: 50 жылда 9 трлн тонна мұз жоғалған
Соңғы жарты ғасырда әлем бойынша мұздықтардың көлемі күрт азайып, 9 триллион тоннаға жуық мұз еріп кеткен. Бұл көлем Германия мемлекетінің аумағына тең, деп хабарлайды БҰҰ-ның мамандандырылған агенттігі – Дүниежүзілік метеорологиялық ұйым.
АЛМАТЫ, NEGE. Ұйым өкілі Клэр Нуллистің мәліметінше, бұл көрсеткіш 1975 жылдан бері жүргізілген бақылау нәтижесінде анықталған.
– Дүниежүзілік мұздықтарды бақылау қызметінің дерегіне сүйенсек, 1975 жылдан бері мұздықтар 9 триллион тоннадан астам мұзды жоғалтқан. Бұл – қалыңдығы 25 метрлік Германия көлеміндегі мұз қабатына тең көрсеткіш, – деді ұйым өкілі.
Клэр Нуллистің айтуынша, соңғы жылдары жаһан «бақылау тарихындағы мұздықтардың ең жылдам шегінуі» кезеңін бастан өткеріп отыр.
Мұздықтар мен мұз жамылғылары — Жердегі тұщы судың шамамен 70 пайызын сақтап тұрған маңызды табиғи қор. Сондықтан олардың еруі жаһандық экологиялық тепе-теңдікке зор қауіп төндіреді.
Қазір оқып жатыр
«Ғалымдар жаппай қуылды» деген ақпарат шындыққа жанаса ма? Ясауи университеті жауап берді
2 млрд теңге табыс тапқан: Алматыда Kizdar.net сайтын құрушылар қамауға алынды
АҚШ-та жоғалып кеткен қазақстандық жігітке қатысты тың ақпарат айтылды
Samruk-Kazyna Construction еншілес компаниясын 228,8 млн теңгеге сатпақ
