Жер қойнауын пайдаланушылардың ғылымға арналған аударымы енді бюджетке түседі
Жер қойнауын пайдаланушылардың ғылымға арналған 1% аударымдары енді тікелей республикалық бюджетке түседі. Бұл туралы Энергетика министрлігі хабарлады.
Астана, NEGE. Энергетика министрлігі Ғылым және жоғары білім министрлігімен бірлесіп, жер қойнауын пайдаланушылардың ғылыми-зерттеу және тәжірибелік-конструкторлық жұмыстарды қаржыландыру тәртібін қайта қараған.
«Көмірсутектер мен уран өндіретін жер қойнауын пайдаланушылар ғылымды қаржыландыруға арналған қаражатты енді тікелей республикалық бюджетке аударуға міндетті.
Осы мақсатта арнайы бюджеттік сыныптама коды бекітілді», – делінген ведомство хабарламасында.
Бұл өзгерістер 2025 жылғы 17 желтоқсанда қабылданған бірлескен бұйрық арқылы бекітілген. Сондай-ақ тағы екі бұйрыққа өзгерістер енгізілген.
