USD
USD
USD

Жемқорларға ешқандай аяушылық болмайды – Тоқаев

Бұл жөнінде Мемлекет басшысы Қасым-Жомарт Тоқаев III Стратегиялық серіктестер форумында сөйлеген сөзінде айтты.

Қасым-Жомарт Тоқаев
Фото: Ақорда

Астана, NEGE. Президенттің айтуынша, Қазақстанда жүріп жатқан саяси және әлеуметтік-экономикалық реформалар әділдік, отаншылдық, толеранттылық, еңбекқорлық, шығармашылық, зайырлылық және прогресс құндылықтарымен астасып, біте қайнасып жатыр. Ал жемқорлық – халықтың сеніміне селкеу түсіріп, ел дамуына кедергі келтіріп қана қоймай, жүргізіліп жатқан реформалардың нәтижесін жоққа шығарады.

Сондай-ақ Қасым-Жомарт Тоқаев Қазақстан сенімді серіктес ретінде Конституциядағы "Заң және Тәртіп" қағидатының тұрақты, болжамды әрі ашық ортаның берік негізіне айналуын қамтамасыз ететінін айтты.

«"Заң және Тәртіп" – жай ғана мемлекеттік саясаттың бір қағидаты емес. Ол – менің Әділетті Қазақстан құру жолындағы асқақ мұратымның арқауы, өзегі десем болады», – деп атап өтті Қасым-Жомарт Тоқаев.

Бұл ретте Президент сыбайлас жемқорлықпен ымырасыз күрес жүретінін ерекше атап өтті.

«Бұған дейін айтқанымдай, жемқорларға ешқандай аяушылық немесе рақымшылық болмайды. ...Сондықтан менің ұстанымым өзгермейді: кінәлілердің ешқайсысы заң жүзіндегі жауапкершіліктен сытылып кете алмайды. Оған лауазымы да, сіңірген еңбегі де, тіпті ықпалды "қамқоршылары" да көмектеспейді», – деді Тоқаев.

Президенттің сөзінше, заң алдында бәрі бірдей болғанда ғана елдегі реформаларды соңына дейін жеткізуге жол ашылады.

Қазір оқып жатыр

Шымкентте жанармай тасымалдайтын көлік өртеніп, жүргізуші қаза тапты

Өртке оранған көлік

ҰҚК шекарашылары 510 млн теңгенің өнімін заңсыз өткізбек болғандарды тоқтатты

Тәркіленген тауарлар

Қалың мал берген жігіт мәһір төлей ме? ҚМДБ жауап берді

хабарлама

Қазақстан экономикасы 2027 жылы 4,8%-ға өсуі мүмкін – ХВҚ

Тиындар