Желіде Қостанай қаласы білім бөлімінің бастығы ұсталғаны жөнінде ақпарат тарады
1 маусым күні Қостанай қаласы білім бөлімінің кеңсесінде тінту және тергеу әрекеттері жүргізілген.
Астана, NEGE. Бұл жөнінде Telegram-дағы Halyqstan арнасы жазды.
«Білім бөлімінің басшысы Гүлсім Оразбаевадан, оның қарамағындағы қызметкерлерден, сондай-ақ қазіргі және бұрынғы мектеп директорларынан жауап алынған», – делінген жазбада.
Болжам бойынша, сотқа дейінгі тергеп-тексеру бір топ адамның алаяқтық жасау фактісіне байланысты жүргізіліп жатыр.
Арнаның жазуынша, 1 маусымда Оразбаева ұсталып, уақытша ұстау изоляторына (УҰИ) қамалған. Әзірге оның күдікті немесе қорғалу құқығы бар куәгер екені белгісіз.
Бұл жайтқа ресми органдар әлі пікір білдірген жоқ.