Жазира Орақбаева Бразилияда өтіп жатқан Әлем кубогының жеңімпазы атанды
Қазақстандық боксшы Жазира Орақбаева Бразилияның Фос-ду-Игуасуда өтіп жатқан Әлем кубогының жеңімпазы атанды, – деп хабарлады olympic.kz.
Алматы, NEGE. Ол 51 келіге дейінгі салмақта өнер көрсетті.
Қазақстан Республикасы Ұлттық олимпиадалық комитеті таратқан мәліметке сәйкес, боксшымыз 51 келіге дейінгі салмақтың финалдық бәсекесінде италиялық Элен Лусия Аяримен кездесуі керек еді. Алайда Италия спортшысы жекпе-жектен бас тартқаны белгілі болды.
Осылайша, Жазира Орақбаева (51 келіге дейін) Әлем кубогының кезеңін алтын медальмен аяқтады.