1 Тамыз 14:39
...
Жас таэквондашылар әлем чемпионатында топ жарды
Болгарияда жасөспірімдер арасында өткен сайыста қазақстандық жас спортшылар 7 алтынмен оралды, деп хабарлайды «Хабар 24».
Алматы, NEGE. Дүниежүзінен 15 елдің спортшылары бақ сынаған додаға елімізден 15 жасөспірім қатысты. Байрақты бәсекеден жеңіспен оралғандарды спортсүйер қауым Алматы әуежайынан қошеметпен қарсы алды. Жасөспірімдердің бірі - Исатай Төлегенұлы 50 келі салмақтағы жекпе-жекте норвегиялық қарсыласын 3:0 есебімен жеңген.
- Финалға шыққан кезде аздап қобалжып тұрдым. Бірақ мені Қазақ елі қолдайтынын есіме түсіріп, өзіме күш жинап бірінші орынды алып кеттім. Финалда Норвегия спортсменімен шықтым, - дейді әлем чемпионы Исатай Төлегенұлы.
