Жаркентте балабақша тәрбиешісі балаларды тұншықтырып, жазықсыз ұрған
Жетісу облысы Панфилов ауданына қарасты Головацкий ауылындағы Жаскент балабақшасындақаласында тәрбиешілер балаларды қылқындырып, жазықсыз ұрған.
Алматы, NEGE. Әлеуметтік желіде аталмыш жағдайдың видеосы тарады. Тәрбиешінің балаларды ұрғанын бүлдіршіндердің ата-аналары анықтаған.
2024 жылдың 14 мамыр күні кешкі уақытта «Жаскент бөбекжай-бақшасы» ЖШС «Құлыншақ» тобының тәрбиеленушісі Мұхаметқали Аяулым Әділетқызының анасы Г.Шаймерденова қызының аяғындағы сырылған жарақатты көреді. «Жаскент бөбекжай-бақшасы» ЖШС-дағы бейнебақылау камераларынан тәрбиешінің қызына дене жарақатын салған іс-әрекетін анықтайды.
Ата-аналар бұл оқиға бойынша құқық қорғау органдарына хабарласты.
Осыған қатысты Жетісу облыстық полициясы жауап берді.
«Бұл дерек бойынша сотқа дейін тергеу басталды. Сот-медициналық сараптамасы тағайындалды. Аталған іс облыстық полиция департаментінің бақылауында», - делінген хабарламада.
Балабақшада небәрі 5 ай жұмыс істеген күдікті бұған дейін тәрбиешінің көмекшісі болған. Дау тудырған жағдайдан кейін балабақша әдіскері, тәрбиешінің көмекшісі және күдіктінің өзі жұмыстан қуылды.
