Жарылыс болған «Центр плова» дәмханасының иесі қамауға алынды
Көкшетау қаласының мамандандырылған тергеу соты дәмхана иесін екі айға қамауға алуға санкция берді.
Астана, NEGE. Щучинсктегі «Центр плова» дәмханасындағы өрт фактісі бойынша Қылмыстық кодекстің 292-бабының 3-тармағы бойынша (Абайсызда екі немесе одан да көп адамның өліміне әкеп соққан өрт қауiпсiздiгi талаптарын бұзу) қылмыстық іс қозғалды, деп хабарлайды Kazinform.
Қылмыстық іс бойынша тергеу барысын Бас прокуратура бақылауға алды.
Еске салсақ, қайғылы жағдай 27 ақпанға қараған түні болды. Бес қабатты тұрғын үйге жапсарлас орналасқан дәмханада газ-ауа қоспасы жарылып, артынша өрт шыққан. Оқиға салдарынан 28 адам зардап шекті, оның ішінде 5 адам оқиға орнында, тағы екі адам ауруханада көз жұмды.
3 наурызда Ақмола облыстық денсаулық сақтау басқармасының басшысы денесін ауыр күйік шалған тағы екі адамның ауруханада қайтыс болғанын хабарлады.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
