Жапонияның жаңа премьер-министрі тағайындалды
Сигэру Исиба Жапонияның жаңа премьер-министрі болып тағайындалды.
Алматы, NEGE. Оған депутаттардың көпшілігі дауыс берді – негізгі төменгі палатадағы дауыс беру қорытындысы бойынша Исиба 465 дауыстың 291-ін алды. Конституциялық-демократиялық партияның жетекшісі Есихико Нода 100 дауысқа ие болды.
Исибаның кандидатурасы үшін дауыс беру парламенттің жоғарғы палатасында да өтті, бірақ төменгі палатаның шешімі басымдыққа ие болды.
Бұған дейін премьер-министр Фумио Кишида бастаған жапон үкіметі толығымен отставкаға кеткен болатын. Кишида Либералдық-демократиялық партия төрағасы сайлауына қатысудан бас тартты.
