Жапонияда құс тұмауы өршіп тұр
Жапонияның 11 ауданында құс тұмауы өршіп тұр.
Алматы, NEGE. Жапонияның 11 ауданында құс тұмауы өршіп барады. Соңғы рет ауру Коти префектурасында анықталды. Зерттеу барысында мамандар құс тұмауының таралып бара жатқанын растаған соң фермадағы 32 мың құсты жойды. Індет жақын маңдағы елді мекендерде де кең етек жаюда. Айта кетейік, Жапонияда биыл құс тұмауы қараша айында алғаш тіркелген болатын. Содан бері аймақтағы 3 млн жуық тауық жойылған. Жергілікті билік аурудың өршуіне қарсы шараларды шұғыл қолға алып жатыр. Қазір құс өсірілетін фермаларда карантин жарияланды.
