Жапонияда жер сілкінісі салдарынан тұрғындар жарық пен сусыз қалды
Исикава префектурасында 66 мың үй жарықсыз, 23,9 мыңнан астам үй сусыз қалды.
Алматы, NEGE. Жапонияның Исикава префектурасында жер сілкінісі салдарынан 2318 адам байланыстан шеттетілді, деп хабарлады РИА Новости Киодо агенттігіне сілтеме жасап.
Префектурадағы бірқатар ірі жер сілкіністерінің салдарынан жолдар қирап, көпірлер бүлінді, көшкіндер жолдардың бір бөлігін шайып тастады. Ұялы және телефон байланысы жұмыс істемейді. Жер сілкінісінің зардаптары қандай болғаны әлі белгісіз. Өйткені бірқатар аудандарға жету қиындап кеткен.
Ондай елді мекендерге тікұшақпен немесе жаяу ғана жетуге болады. Жер сілкінісінің эпицентрінде қалған Ното түбегінің географиялық орналасуы жағдайды одан әрі ушықтырып тұр. Жолдардың бұзылуы жүктерді жеткізу және үйінділерді бөлшектеу ауыр техниканың барлық түріне кедергі келтіріп тұр.
