Дүние
Жапонияда алғаш рет премьер-министр болып әйел сайланды
Жапония парламенті Либералдық-демократиялық партияның төрайымы болған Санаэ Такаитиді премьер-министр лауазымына бекітті. Ол ел тарихында бұл қызметті атқарған алғашқы әйел болды.
Алматы, NEGE. Оның кандидатурасын депутаттардың басым бөлігі қолдады. Такаити Жапония тарихында бұл лауазымға тағайындалған алғашқы әйел атанды. Оның алғашқы кезектегі міндеттерінің бірі – жаңа министрлер кабинетін құру болмақ. Бұған дейін оппозицияда болған «Ниппон исин» партиясымен коалициялық келісім жасасқанына қарамастан, олардың парламентте абсолютті көпшілігі жоқ.
64 жастағы Санаэ Такаити Либерал-демократиялық партияның ең тәжірибелі әрі ең танымал саясаткерлерінің бірі. Ол 1961 жылы Нара қаласында дүниеге келген және премьер-министр болған көптеген алдыңғы тұлғалардан айырмашылығы, саясатпен байланысы жоқ қарапайым отбасында өскен. Әкесі автомобиль компаниясында жұмыс істеген, ал анасы полиция қызметінде болған.
Ол алғашқы министрлік қызметін 2006 жылы Синдзо Абэ үкіметінде атқарды. Кейінірек Ішкі істер және байланыс министрлігін басқарған, сондай-ақ Фумио Кисида кабинетіндегі экономикалық қауіпсіздік жөніндегі министр қызметін атқарған.