Жапон автоконцерндері зауыттарын тоқтатуда
Жапонияның NHK телеарнасы елдегі көлік жасайтын барлық ірі компанияның бюасшылығы өндірісті уақытша тоқтату туралы шешім қабылдағанын хабарлады. Бұған бірінші кезекте Күншығыс елінің өзінде көлік саудасының құлдырап кеткені себепші болған.
Алматы, NEGE. Honda автоконцерні Сайтама префектурасындағы екі зауытының жұмысын төрт күнге және шілде айында бір күнге тоқтататынын мәлімдеді. Ал Миэ префектурасындағы зауыт келесі айда 3 күнге жабылмақ.
Mitsubishi Гифу префектурасындағы еншілес компаниясына тиесілі зауытты 30 маусымға дейін жапқан, ал Айти префектурасындағы өндіріс орны маусым айында небәрі бір апта ғана жұмыс істейді.
Жапонның ұлттық арнасы Toyota компаниясының да автокөлік құрастыратын желілерін тоқтата тұруды ойластырып жатқанын хабарлады.
