Дүние
Жапаров Путиннен көмек сұрады
Қырғызстан президенті Садыр Жапаров Ресей президенті Владимир Путиннен Тәжікстанмен арадағы шекара мәселесін шешуге көмек сұрады, деп хабарлады Қырғызстан Қауіпсіздік кеңесінің хатшысы.
Алматы, NEGE. Қырғыз президентінің өтінішін Қырғыз Республикасы Қауіпсіздік кеңесінің хатшысы Марат Иманқұлов жергілікті радиостанциялардың бірінің эфирінде мәлімдеді.
Оның айтуынша, Астанада Қырғызстан, Ресей және Тәжікстан басшыларының үшжақты кездесуінде Жапаров Путинге сондай өтініш жасаған.
«Мұның бәрі дер кезінде қабылданбаған шешімнің кесірінен болып жатқаны туралы ашық әңгіме болды. Жапаров Путиннен шекара мәселесін шешуге көмек сұрады. «Мүмкін сіз көмектесерсіз, өйткені оны шешу қиындап барады» деді. Ресей тарапы ойланып, түпкілікті жауап беруге уәде берді», - деді Иманқұлов.