Жанқош Тұраров мексикалық қарсыласын ойсырата жеңді
Алматыда өткен бокс кешінде қазақстандық боксшы Жанқош Тұраров (26-0, 19 КО) титулдық жекпе-жек өткізіп, мексикалық қарсыласын жеңді деп хабарлады
Stan.kz.
Алматы, NEGE. Жанқош Тұраров жартылай орта салмақта IBO тұжырымы бойынша әлем чемпионы атағы үшін мексикалық Алехандро Менесеспен (16-5, 9 КО) жұдырықтасты. Бұл жекпе-жекте мексикалық боксшы чемпион мәртебесіне ие болғанымен, қазақстандық айқын фаворит саналды.
Жекпе-жек он екі раундқа есептелген және Жанқош Тұраровтың жеңісімен аяқталды. 10-раундта Алехандро Менесес әрі қарай жұдырықтасудан бас тартты.
Жанқош Тұраров кәсіпқой мансабындағы 27-ші жеңісіне қол жеткізіп, IBO тұжырымы бойынша жартылай орта салмақтағы әлем белбеуінің иегері атанды. Алехандро Менесес кәсіпқой бокста алтыншы рет жеңіліске ұшырап, титулынан айырылды.
