Жанқош Тұраровқа қатысты «Зорлау» бабы бойынша тоқтатылған қылмыстық іс қайта қозғалды — Адвокат

Алматы, NEGE. Жақында Алматы қалалық полиция департаменті қыз зорлады деп күдікке ілінген Жанқош Тұраровқа қатысты қылмыстық істің тоқтатылғанын мәлімдеді. Ал Әнарудың адвокаты Жанқош Тұраровтың ісі әлі аяқталмағанын жеткізді. 

• Тақырыпқа орай: «Жас қызды мефедронға тәуелді етіп, білгенін істеген...» – Әнарудың адвокаты кейбір жайтты ашық айтты

«Жанқош Тұраровқа қатысты қылмыстық іс қайта жаңғыртылыпты. Келесі апта тергеу қайта басталады деп хабарлады. Бірақ алдыңғы заңсыз шығарылған қаулыны (қысқартылғаны туралы) әлі алған жоқпыз. Жарты айдан астам уақыт өтті. Бас Прокуратураға жазылған шағымның, әлеуметтік желідегі, БАҚ-ғы жариялылықтың нәтижесі шығар. Соңғы кезде әріптестерімнен, халықтан Бас Прокуратура қызметкерлерінің жақсы жұмыс істеп, көптеген қылмыс пен заңбұзушылықтарды ашуға септігін тигізіп жатқандарын естимін. Бұл да болса, көңілге жағатын, үзілген үмітті жалғайтын, әділетті Қазақстанға сенім оятататын жағымды нәрсе ғой. Тек жаман жағын айта бермей, жақсы жағын да айтайық. Сонда да қайтадан «крышаларын», депутат ағаларын қосып, қылмысын жабуға тағы күш сала ма деген күдік жоқ емес. Біздің елдің органдарын, заңының қалай жұмыс істейтінін білгесін, «жаман айтпай, жақсы жоқ» дегендей, ондай күдіктің болуы да заңдылық. Не жағдай болса да, барлығы ашылып, жасырмай, айтылды», - деп жазды Ләззат Ахатова.