Спорт
Жаңыл Балтабаева мен Бейбарыс Сыпатай жартылай финалға шықты
Жерлестеріміз пара каноэден 200 метр қашықтықта іріктеу кезеңдерінен сәтті өтіп, жартылай финалға жолдама алды.
Алматы, NEGE. Жаңыл Балтабаева 200 метр қашықтықта VL3 санатында сынға түсіп, 1:04.72 нәтижесімен іріктеуден өтті. Енді ол 7 қыркүйек күні Астана уақытымен 13:49-да жартылай финалда өнер көрсетеді. Бейбарыс Сыпатай KL2 санатында 200 метр қашықтықты 48.50 секунд нәтижесімен жүріп өтті.
Оның жартылай финалы да 7 қыркүйекте Астана уақытымен 13:14-де өтеді.
Сонымен қатар, пара жүзуден S5 санатында 50 метрге баттерфляй әдісімен жүзудің іріктеу кезеңінде өнер көрсеткен Сиязбек Дәлиев аталған қашықтықты 36.42 секундта бағындырып, финалға жолдама алған болатын.
Қазақстан қоржынында қазір 2 алтын, 2 күміс, 1 қола жүлде бар.