9 Қараша 19:14
Жәнібекке жанкүйер болайық
Ертең АҚШ-тың Калифорния штатындағы Фресно қаласында жерлесіміз Жәнібек Әлімханұлы кәсіпқой рингтегі сегізінші жекпе-жегін өткізеді. Оның кезекті қарсыласы канадалық Альберт Онолуносе болмақ.
Алматы, NEGE. 39 жастағы Альберттің жеткен жетістігі анау айтқандай керемет болмағанымен, тәп-тәуір тәжірибесі бар. Кәсіпқой рингте 24 жекпе-жек өткізіп, екі рет жеңілген. Ал біздің Жәнібек жеңілістің кермек дәмін татпаған.
Орта салмақ бойынша WBC Continental Americas және WBO Global белбеулері Жәнібек Әлімханұлына тиесілі. Жекпе-жекті 10 қараша күні таңғы 8:00-де «Хабар» арнасы тікелей эфирден көрсетеді.
