Жәнібек Әлімханұлы қандай сынға душар болды?
Қазақстандық боксшы Жәнібек Әлімханұлы (9-0, 5 КО)
жарақат алып қалды. Бұл туралы боксшының PR-менеджері Берік Сұлтан хабарлады.
Алматы, NEGE. Жерлесіміз ең соңғы рет 10 қазанда шаршы алаңға шықты. Аргентиналық Гонсало Кориямен жолығып, екінші раунда қарсыласын нокаутқа жіберді. Соның арқасында жерлесіміз WBO рейтингінің үздік үштігіне ілікті.
Жәнібек әлеуметтік желідегі парақшасына «Әлемге жаңа чемпион керек» деп жазған-ды. Алайда жарақатына байланысты енді емделуі керек. 27 ақпанда Алматыда өтетін бокс кешіне қатыспайды
«Әрине оңай емес. Осы жекпе-жекке дайындалуға қаншама қан мен тер төгілді. Уақыт, қаражат... Дегенмен қиындықтың артында қуаныш бар деген өмір қағидасы бар. Бұл сыннан да өтеміз, бұйыртса! Құдай қалап бәрі жақсы болса көктемнің аяғы немесе жаздың басы рингке оралады. Емделуді бастап кеттік!», – деп жазды Берік Сұлтан.
