Жанбота Алдабергенова әлем кубогі кезеңінің финалына жолдама алды
Рукада (Финляндия) фристайл-акробатикадан әлем кубогінің кезеңі өтіп жатыр.
Алматы, NEGE. Қазақстандық атлет Жанбота Алдабергенова іріктеу кезеңінен іркілмей шықты, деп хабарлайды Olympic.kz.
Іріктеу кезеңінде ол 83,16 ұпай жинап, тоғызыншы орынға тұрақтады.
Қазақстан құрамасының өкілі Маржан Ақжігіт 14-ші, Ақмаржан Қалмұрзаева 18-ші, ал Аяна Жолдас 25-ші орындарға жайғасты.
Айта кетерлігі, финалға 12 спортшы жолдама алады.