Дүние
Жаңажылдық отшашуға тыйым салынды
Нидерланды үкіметі рождество және жаңажылдық мереке кезінде отшашуларға тыйым салды.
Алматы, NEGE. Осы ережені бұзғандарға 100 еуро көлемінде айыппұл салынады және қылмыстық жауапкершілікке тартылуы мүмкін. Жаңа ереже қолда ұстап жағуға қауіпті емес бенгал отына және шағын-отшашуларға қатысы жоқ.
Мұндай шара биыл дәрігерлер мен медициналық қызметкерлердің жұмысы қауырт болуына байланысты қабылданып отыр. COVID-19 пандемиясына байланысты олар артық күш салып жұмыс істеп жүр, ал мереке күндері ауруханаға түсетін науқастар саны үш есеге артады екен. Олардың көбісі отшашуларды дұрыс пайдаланбау нәтижесінде жарақат алады.
Көптеген кәсіпкерлер тауар алып қойған, Нидерланды үкіметі сатушылардың шығынын өтеп береді. Оларға 40 миллион еуро төленеді және олардың тауарын келесі жылға дейін сақтау үшін арнайы қоймалар қарастырылады.
Нидерланды – жаңажылдық отшашулардан бас тартқан Еуроодақ елдері арасындағы жалғыз ел емес. Олардың көбісі адамдар топталып жиналмас үшін онлайн-трансляциялармен алмастыратын болады. Прагада, Мадрид билігі және Парижде осындай шара енгізуді қарастырып жатыр.