«Жаңаөзен-Ақтау» газ құбырының құрылысына 3,7 млрд теңге бөлінеді
Ақтау қаласы мен оған жақын маңдағы ауылдар көгілдір отынмен қамтылады, деп хабарлайды «Хабар 24».
Ақтау, NEGE. «Жаңаөзен-Ақтау» газ құбырының құрылысын аяқтау үшін Үкімет резервінен 3,7 млрд теңге бөлінетін болды. Премьер-министр Әлихан Смайылов бүгін тиісті қаулыға қол қойды. Ілкімді істің игілігін 150 мыңға жуық тұрғын көреді. Қазір қаланы жылумен қамту маңызды. Осыған байланысты бірқатар блок-модульді қазандық орнатып, 2 жаңа қазандық салу жоспарланып жатыр. Жаңа қуат көздері газбен жұмыс істейді.
Динара Алимова, ҚР Премьер-министрінің баспасөз хатшысы:
- Қаражат «Жаңаөзен-Ақтау» газ құбырынан автоматтандырылған газ тарату станциясы орната отырып, ұзындығы 52 шақырым газ құбыры құрылысын аяқтауға бағытталады. Жоба аяқталғаннан кейін аудандарға газ тартылады.
