Жаңа жылмен құттықтағаны үшін жазаланды
Көлігін түрлі гирляндамен безендіріп, ақтаулықтарды Жаңа жылмен құттықтамақ болған тұрғынға жергілікті полицейлер айыппұл салды.
Алматы, NEGE. Витайлийдің сөзінше, ол тек жан-жағындағылардың көңіл-күйін көтермек болған.
"Мен қалада жүрген кезде адамдар бұған жақсы қарайды. Жүргізушілер дабылдарын қосып, жаяу жүргіншілер суретке түсіріп жатады. Мен ше? Мен тек адамдарға көңіл-күй сыйлағым келді", – дейді көлік иесі.
Ерекше көлік иесінің бұл қылығын полицейлер жақтыра қоймаған.
"Мені жолда тоқтатып, құжаттарымды тексеріп, артынша басшылықпен байланысты. Олар мен бұлай жүре аламын ба, жоқ па сұрап, сосын жіберді. Ал кеше басқа полицейлер тоқтатып, артқы нөмірімді шешіп алып, 12 АЕК (30 300 теңге) айыппұл салды. Егер жыл соңына дейін төлесем 6 АЕК болады. Бәлкім, олардың көңіл-күйі болмаған шығар", – дейді Виталий.
