Жаңа оқу жылында қандай шектеу шаралары болады?
Жаңа оқу жылында мектепішілік жаппай көпшілік шараларға тыйым салынады, деп хабарлайды Хабар-24.
Алматы, NEGE. Оқушылар білім ұясына келген бойда олардың дене қызуы термометрмен өлшенеді. Дезинфекциялық тазалау жұмыстары күшейтіледі. Сыныптың ауасы жиі тазартылып тұрады. Яғни былтырғы карантин талаптары сақталады.
Егер оқушылардың 30 пайызы індет жұқтырса онда мектеп карантинге жабылады.
— Естеріңізде болса, былтыр жыл бойы балалар офлайн яғни қашықтан оқыды. Біз осылайша омикрон өршіп тұрған кезеңді еңсердік. Әсіресе қаңтар айында тәулігіне 17 мыңға дейін сырқаттанушылық дерегі тіркелді. Ал ел бойынша 150 мың науқас ем қабылдаған болатын, - деді ҚР Денсаулық сақтау вице-министрі - бас мемлекеттік санитарлық дәрігер Айжан Есмағамбетова.
